Paplajahan 4: Indik Alit-alite Miwah Reramannyane
(Epesus 6:1-4)
4
Duh para alit-alite! Tinut ja kapining reraman ceninge krana cening dados pengiring Sang Ratu Agung tur parilaksanane punika patut ring arepan Idane. 2 Wenten katulis ring Cakepan Suci, “Bakti ja kapining reraman ceninge.” Prentahe puniki wantah prentah kapertama sane madaging janji, 3 nenten tios, “Mangdane bagia tur lantang tuuh ceninge ring jagate puniki.” \4 Duh para semeton sane dados bapa! Sampunang ja malaksana sane ngranayang para alit-alit ragane pedih, nanging kelihang ja ipun antuk tata krama lan pengajahan saking Sang Ratu Agung.
Penuntun mabligbagan ring pasamuan
1. Ngaturang penyuksma.
“Ngiring ja iraga ngaturang suksma mangkin. Semeton jagi ngaturang suksma indik napi?"
2. Ceritayang ja pakeweh semetone suang-suang raris iraga saling tunas icayang.
“Napike semeton wenten pakeweh mangkin?”
3. Ngwacen utawi mirengin paplajahane puniki.
4. Saurin ja pitakenne puniki:
i. “Napi sane plajahin iraga indik Sang Hyang Tunggal saking ceritane puniki?”
ii. “Napi sane plajahin iraga indik manusa saking ceritane puniki?”
iii. “Napi prentahne buat para alit-alite saking paplajahane puniki?”
iv. “Napi prentahne buat para bapane saking paplajahane puniki?”
v. “Punapike carane iraga nglaksanayang pengajahane puniki ring urip iragane suang-suang?”
vi. “Kapining sirake sapatutne iraga nyeritayang malih paplajahane puniki?”